Attestatla Türkiyə, Kanada, ABŞ və Avropa ölkələrində imtahansız universitet qəbulu ilə bağlı ətraflı məlumat bu blogda.
Attestatla təhsil dedikdə, heç bir imtahan nəticəsi olmadan xarici ölkələrdə yerləşən universitetlərə qəbul deməkdir. Attestatla təhsil deyən zaman bəzi valideynlər imtahansız qəbul olduğu üçün ciddi narahatlıq keçirirlər. Amma narahatlığa heç bir əsas yoxdur. Attestat da imtahanla alınan təhsil sənədi deyilmi?
Sadəcə yerli vətəndaşları yüksək imtahan balları ilə qəbul edən universitetlər xarici tələbələri sadəcə attestatla qəbul edə bilirlər.
Attestatla təhsil daim eşitdiyimiz Türkiyə, Rusiya və Ukrayna kimi ölkələrlə yanaşı Amerika və Avropa ölkələrində də mümkündür.
Avropa və Asiya qitələri arasında körpü rolunu oynayan Türkiyədə təhsil almağın ən böyük üstünlükləri Türkiyə universitetlərinin atdığı uğurlu addımlardır. Ümumilikdə Türkiyədə 206 universitet və akademiya vardır ki, bunlardan 131-u dövlət (10 texniki universitet, 1 yüksək texnologiyalar institutu və 2 incəsənət universiteti ilə yanaşı, Milli Müdafiə Universiteti və Polis Akademiyası) və 75 özəl universitet vardır.
Universitetlərdən əlavə 5 ali peşə məktəbi də fəaliyyət göstərir. Bu universitetlərdə 60.000-dən çox təhsil proqramları vardır. Universitetlərin və təhsil proqramlarının çoxluğu xarici tələbələri bu ölkədə təhsil almağa cəlb edir. Türkiyənin bir çox dövlət və özəl universitetlərində attesttatla təhsil almaq mümkündür.
Kanada Şimali Amerikanın ən şimal hissəsində yerləşən və ərazisinə görə dünyanın ikinci ən böyük ölkəsidir. Paytaxt şəhəri Ottovadır. Rəsmi dilləri həm ingilis, həmdə fransız dilləridir. Bu baxımdan Kanada universitetlərində oxuyan tələbələr ikinci dili inkişaf etdirmək şansına malikdirlər.
Kanadada 1000-ə yaxın universitet var. Bunların əksəriyyəti dövlət universitetləridir və təhsil sistemi universitetdən universitetə dəyişir. Kanadada universitetlər kolleclər və universitetlər olaraq 2 qrupa bölünür. Universitetlərdə əksər fakültələr 4 ildir.
Tibb təhsili, hüquq və bəzi texniki sahələrdə təhsil müddətləri 5 və 6 illik təhsil müddətini əhatə edir. Kanadada təhsil haqqları dövlətə, univertsitetə və fakültəyə görə dəyişir. Kanadada bir çox universitetlərə attestatla qəbul almaq mümkündür.
Lakin sizin dil sertifikatınız olmalıdır. Əgər dil biliyiniz yoxdursa, Kanada universitetləri dil proqramlarında sizin dil biliyi əldə etmənizə zaman tanıyırlar.
Amerika Birləşmiş Ştatlarında (ABŞ) ali təhsil müəssisələrində qəbul üçün vahid bir sistem yoxdur. Çünki hər universitet öz qəbul prosesi ilə universitetə tələbə qəbul edir. Universitetə qəbul tələbləri içərisində ən vacibi sizin dil biliyinizi sübut edən beynəlxalq imtahan sertifikatınızın olmasıdır. Bu sertifikatlar universitet və qəbul olmacağınız ixtisasınızdan asılı olaraq IELTS/TOEFL/Duolingo və SAT/ACT imtahan sertifikatlarıdır.
Həmçinin siz ABŞ universitetlərə qəbul üçün “Duolingo” proqramı ilə müraciət etmək hüququnuzdan da yararlana bilərsiniz. Duolingo imtahan nəticəsini 3000-ə yaxın təhsil müəssisəsi qəbul edir.
Dil sertifikatınız və ya yuxarıda qeyd olunan imtahan nəticələriniz olmas belə, yenə də ABŞ kollec və universitetlərinə qəbul mümkündür. Bu zaman siz, ali təhsilinizə dil hazırlığı proqramı ilə başlayacaqsınız. Bu zaman isə sizdən hər-hansı bir imtahan nəticəsi tələb edilməməkdədir.
Avropanın 9-cu ən böyük ölkəsi olan Polşa hər il xarici tələbələrin ali təhsil almaq üçün seçim etdikləri ölkədir. Tələbələrin təhsil almaq üçün Polşanı seçmə səbəblərinə Jagiellonian və Varşava kimi dünya reytinqli universitetlərdə təhsil almaq istəyi ilə bərabər, təhsil haqqı və yaşam xərclərinin aşağı olması daxildir.
Polşada humanitar və iqtisadiyyat sahəsində bakalavr təhsili 3, mühəndislik ixtisasları isə 3.5-4 ildir. Polşada tələbələrin həftədə 20 saatdan başlayaraq işləmək icazələri vardır. Digər tərəfdən də Polşada bəzi universitetlərdə dərslər həftə sonu və ya hibrid formada təşkil olunur ki, bu da xarici tələbələrin üstünlük verdiyi cəhətlərdəndir.
Polşada attestatla təhsil almaq üçün bəzi universitetlər dil sertifikatı tələb edir, bəzi universitetlər isə tələb etmir. Əgər heç bir dil biliyiniz yoxdursa, universitetlər sizə dil proqramlarına qoşularaq dil biliyinizi inkişaf etdirmək üçün 1-2 semestr zaman müddəti tanıyırlar.
Macarıstan Avropanın tən ortasında yerləşir. Paytaxtı Budapeşt olan Macarıstan 10 milyondan çox əhaliyə malikdir. Bu ölkədə təhsil və yaşayış xərcləri olduqca münasibdir. Yüksək keyfiyyətli təhsil sisteminə malik olan Macarıstanı yerli tələbələrimizlə yanaşı, beynəlxalq tələbələrin seçməyinin ən böyük səbəbi
Macarıstanın bir çox şəhərlərinin turistik cəhətdən inkişaf etməsi və həmçinin də, savadlı və peşəkar pedaqoqlar tərəfindən universitetlərdə müasir texnologiya və avadanlıqlar vasitəsilə keyfiyyətli tədrisin təşkil olunmasıdır. Macarıstanda oxumağın digər çox önəmli xüsusiyyəti isə budur ki, Macarıstan universitetlərində yarımil oxuduqdan sonra universitetlərarası Erasmus və Sokrates tələbə dəyişimi proqramları vasitəsilə Avropanın hər hansı bir ölkəsində ödənişsiz universitet təhsili almaq imkanı yaranır.
Macarıstanda bakalavr təhsili 3 ildir. Tədris dili isə ingilis və macar dilindədir. Macarıstan universitetlərinə qəbul olmaq üçün əgər lazım olan imtahan nəticəniz yoxdursa, o zaman təhsilinizə dil hazırlığından başlaya bilərsiniz.
Latviya Baltik dənizinin sahilində yerləşən Baltikyanı ölkədir. Əhalisinin sayı 2 milyona yaxındır. Latviya keyfiyyətli təhsil sistemi və öndə gedən ali məktəbləri ilə diqqət çəkir. Riqa Texniki Universiteti və Latviya Universiteti dünya reytinq sıralamasında yer almaqdadır.
Latviya universitetlərində təhsil almaq üçün IELTS/TOEFL imtahan nəticəsi tələb olunur. 100 müxtəlif ölkədən 8000-ə yaxın xarici tələbənin təhsil aldığı Latviya universitetlərində tədris dili latış dilində olsa da, hər bir ixtisasda ingilis dilində də təhsil almaq mümkündür.
Tələbələr ingilis dilini bilmədikləri halda universitetlər tərəfindən verilən hazırlıq proqramları ilə ali təhsillərinə başlaya bilərlər. Bu ölkənin universitetlərində tələbələrin ən çox üz tutduğu ixtisaslar mühəndislik, biznes, aviasiya, təhsil elmləri, riyaziyyat, idarəetmə və xarici dil ixtisaslarıdır. Təhsil haqqları nisbətən aşağı olduğu üçün bir çox xarici tələbələr Latviya universitetlərində təhsil almağı seçir. Latviyada bakalavr təhsili 3 ildir.
Qeyd olunan ölkələrlə yanaşı Avropanın digər universitetləri attetstatla tələbə qəbul edərkən ya sizi online müsahibə edərək dil biliyinizi yoxlayaraq 1-ci kursa, ya da univeristet daxilindəki dil hazırlığına qəbul edir. Bir il dil hazırlığı oxuduqdan sonra, universitet daxilindəki istənilən ixtisasa müraciət etmək haqqınız olur.
Rusiya və Ukrayna universitetlərində də istənilən ixtisas üzrə imtahansız qəbullar mümkündür. Dil bildiyiniz halda birbaşa ixtisasa, dil bilgisi olmadığı halda isə tələbə tədrsi dili üzrə dil hazırlığına qəbul edirlir.
GLC xaricdə təhsil şirkəti attestat nəticəsi ilə xarici ölkə universitetlərində qəbullar həyata keçirməkdədir. Bunun üçün bizimlə əlaqə saxlamağınız yetərlidir.
